Os incendios teñen unha capacidade destrutiva enorme no noso país, sobre todo, nas épocas de calor. O problema dos incendios forestais é complexo e de difícil solución por moi ben que se coñezan as causas climáticas que o favorecen. Iso é debido, entre outras razóns, a que a maioría dos incendios son causados polas persoas. É importante ter en conta que o problema dos incendios forestais agravarase coas condicións do cambio climático. Se a temperatura da superficie é máis alta, a humidade do chan e do aire máis baixa, e se intensifícan as ondas de calor o resultado é que aumentarán de forma drástica as condicións favorables para que estes se produzan.

O risco de incendios forestais aumentará tanto no referente á duración, como á severidade da estación de incendios e con iso os incendios de maior tamaño. Ademais, as situacións de seca recorrente poden reducir a rexeneración do sistema, acelerando o cambio na vexetación 

O aumento dos incendios forestais, como consecuencia do cambio climático, tamén pode chegar a producir perdas no contido de carbono orgánico do chan, cun maior impacto nos primeiros centímetros do chan, o que produce perdas importantes de carbono neste horizonte, aínda que se as condicións son favorables, a recuperación da vexetación pode restablecer o balance de carbono en curto-medio prazo.

As políticas de ordenación territorial e forestal e de formación e información ao público deberán facerse cada vez mellor e mais  rápido.

O aproveitamento da biomasa e o pastoreo son ferramentas a considerar para reducir o perigo dos montes. Os plans de conservación da biodiversidade ou de loita contra a  desertificación deberán incorporar os novos escenarios de perigo crecente. Así mesmo, a xestión dos espazos públicos para o seu uso recreativo deberá ter en conta o perigo crecente que se aveciña.

Imaxe: Vigo Outubro 2017